కోటి దీపాల వెలుగు నీవే తెలుసు నా కంటికి
నిను దాచే ఈ నిశీ నిలిచేనా ప్రేయసీ
నలువైపుల నల్లని చీకట్లే ఎదురొస్తూ ఉన్నా
పరుగాపని పాదం దూరంతో పోరాడుతు ఉన్నా
కనుపాపకి ఉప్పని కన్నీరే తెరవేస్తూ ఉన్నా
ప్రతి నిమిషం నీ వైపే పయనిస్తూ ఉన్నా
వేయి జన్మాల చెలిమి నీవే తెలుసు నా గుండెకి
గాలితో నువ్వు పంపిన వలపు ఊసేమిటో
పూలలో నువ్వు నింపిన తీపి తలపేమిటో
నిన్న దాకా నను చేరలేదని నమ్మదా చెలీ నీ మౌనం
నా శ్వాసతొ రగిలే గాలులతో నిను వెతికిస్తున్నా
నా ప్రేమను పూల సువాసనతో నీకందిస్తున్నా
యద సవ్వడులే ఆ గువ్వలుగా ఎగరేస్తూ ఉన్నా
అవి నిన్నే చూడాలి నువ్వెక్కడ ఉన్నా
వేయి జన్మాల చెలిమి నీవే తెలుసు నా గుండెకి
ఆశగా ఉంది నెచ్చెలి కలుసుకోవాలనీ
కోవెలై ఉంది కౌగిలి దేవి రావాలనీ
నీవు కలవని కలవు కాదనీ ఋజువు చేయనీ అనురాగం
నను నేనే శిలగా మోస్తున్నా యద బరువైపోగా
చిరు నవ్వుల్నే వెలి వేస్తున్నా నిను చూసేదాకా
ప్రతి రక్త కణం వెలిగిస్తున్నా పెను జ్వాలైపోగా
యడబాటు పొరబాటు కరిగించే దాకా
వేయి జన్మాల చెలిమి నీవే తెలుసు నా గుండెకి
కోటి దీపాల వెలుగు నీవే తెలుసు నా కంటికి
నిను దాచే ఈ నిశీ నిలిచేనా ప్రేయసీ
నలువైపుల నల్లని చీకట్లే ఎదురొస్తూ ఉన్నా
పరుగాపని పాదం దూరంతో పోరాడుతు ఉన్నా
కనుపాపకి ఉప్పని కన్నీరే తెరవేస్తూ ఉన్నా
ప్రతి నిమిషం నీ వైపే పయనిస్తూ ఉన్నా
వేయి జన్మాల చెలిమి నీవే తెలుసు నా గుండెకి
కోటి దీపాల వెలుగు నీవే తెలుసు నా కంటికి
నిను దాచే ఈ నిశీ నిలిచేనా ప్రేయసీ
నలువైపుల నల్లని చీకట్లే ఎదురొస్తూ ఉన్నా
పరుగాపని పాదం దూరంతో పోరాడుతు ఉన్నా
కనుపాపకి ఉప్పని కన్నీరే తెరవేస్తూ ఉన్నా
ప్రతి నిమిషం నీ వైపే పయనిస్తూ ఉన్నా
వేయి జన్మాల చెలిమి నీవే తెలుసు నా గుండెకి
0 comments:
Post a Comment