మేఘాల్లో సన్నాయి రాగం మోగింది మేళాలు తాళాలు వినరండి సిరికి శ్రీహరికి కళ్యాణం కానుంది song from Seethamavakitlo sirimalle chettu

 

మేఘాల్లో సన్నాయి రాగం మోగింది
మేళాలు తాళాలు వినరండి
సిరికి శ్రీహరికి కళ్యాణం కానుంది
శ్రీరస్తు శుభమస్తు అనరండి
అచ్చ తెలుగింట్లో పెళ్ళికి అర్థం చెప్పారంటూ
మెచ్చదగు ముచ్చట ఇది అని సాక్ష్యం చెబుతామంటూ
జనులంతా జై కొట్టేలా జరిపిస్తామండి
అందాల కుందనపు బొమ్మవని
జత చేరుకున్న ఆ చందురుని
వందేళ్ళ బంధమై అల్లుకుని
చెయ్యందుకోవటే ఓ రమణి 
ఇంతవరకెన్నో చూశాం అనుకుంటే సరిపోదుగా
ఎంత బరువంటే మోసే దాకా తెలియదుగా
ఇంతమందున్నాంలే అనిపించే బింకం చాటుగా
కాస్తైన కంగారు ఉంటుందిగా
నీకైతే సహజం తియ్యని బరువై సొగసించే బిడియం
పనులెన్నో పెట్టి మా తలలు వంచిందే ఈ సమయం
మగాళ్ళం ఐనా ఏం చేస్తాం సంతోషంగా మోస్తాం
ఘనవిజయం పొందాకే తీరిగ్గా గర్విస్తాం
అందాల కుందనపు బొమ్మవని
జత చేరుకున్న ఆ చందురుని
వందేళ్ళ బంధమై అల్లుకుని
చెయ్యందుకోవటే ఓ రమణి 
రామచిలకలతో చెప్పి రాయించామే పత్రిక
రాజహంసలతో పంపి ఆహ్వానించాంగా
కుదురుగా నిమిషం కూడా నిలబడలేమే బొత్తిగా
ఏ మాత్రం ఏ చోటా రాజీ పడలేకా
చుట్టాలందరికి ఆనందంతో కళ్ళు చెమర్చేలా
గిట్టని వాళ్ళైనా ఆశ్చర్యంతో కనులే విచ్చేలా
కలల్లోనైనా కన్నామా కథలైనా విన్నామా
ఈ వైభోగం అపురూపం అనుకుంటారమ్మ
అందాల కుందనపు బొమ్మవని
జత చేరుకున్న ఆ చందురుని
వందేళ్ళ బంధమై అల్లుకుని
చెయ్యందుకోవటే ఓ రమణి  

To listen this song click on play button