హే.. జెండాపై కపిరాజుంటే రధమాపేదెవరంటా
గుండెల్లో నమ్మకముంటే బెదురెందుకు పదమంటా
అల్లాద్దీన్ అద్భుత దీపం అవసరమే లేదంటా
చల్లారని నీ సంకల్పం తోడుంటే చాలంటా
అల్లదిగో ఆశల ద్వీపం కళ్ళెదుటే ఉందంటా
ఎల్లలనే తెంచే వేగం మేఘాలు తాకాలంటా
ఆట ఆట నువు నిలబడి చూడకు ఏ చోట
ఆట ఆట ఇది గెలవక తప్పని బ్రతుకాట
ఆట ఆట అనుకుంటే బతకటమొక ఆట
ఆట ఆట కాదంటే బరువే ప్రతిపూట
హే ముందుగా తెలుసుకో మునిగే లోతెంతా
సరదాగా సాగదు వేట నట్టేట ఎదురీత
తెలివిగా మలుచుకో నడిచే దారంతా
పులి మీద స్వారీ కూడా అలవాటు ఐపోదా
సాధించే సత్తా ఉంటే సమరం ఒక సయ్యాట
తలవంచుకు రావలసిందే ప్రతి విజయం నీవెంటా
అల్లాద్దీన్ అద్భుత దీపం అవసరమే లేదంటా
చల్లారని నీ సంకల్పం తోడుంటే చాలంటా
ఆట ఆట నువు నిలబడి చూడకు ఏ చోట
ఆట ఆట ఇది గెలవక తప్పని బ్రతుకాట
హే.. చెలిమితో గెలుచుకో చెలితో వలపాట
అతిలోకసుందరి రాదా జత కోరి నీ వెంట
తెగువతో తేల్చుకో చెడుతో చెలగాట
జగదేకవీరుడు కూడా మనలాంటి మనిషంటా
ఇటునుంచే అటు వెళ్ళారు సినిమా హీరోలంతా
దివి నుంచేం దిగి రాలేదు మన తారాగణమంతా
మనలోను ఉండుంటారు కాబోయే ఘనులంటా
పైకొస్తే జై కొడతారు అభిమానులై జనమంతా
ఆట ఆట నువు నిలబడి చూడకు ఏ చోట
ఆట ఆట ఇది గెలవక తప్పని బ్రతుకాట
ఆట ఆట అనుకుంటే బతకటమొక ఆట
ఆట ఆట కాదంటే బరువే ప్రతిపూట
0 comments:
Post a Comment