ఇప్పుడే ఇక్కడే వింతగా కనువిందుగా
ఇన్నాళ్ళు నాకే తెలియని ఇన్నాళ్ళూ నాకే తెలియని
నన్ను నేనే నీలో చూస్తున్నా చూస్తు ఉన్నా చూస్తూనే ఉన్నా…
పచ్చని మాగాణి చేలు పట్టుచీరగా కట్టి
బంగరు ఉదయాల సిరులు నొసట బాసికంగా చుట్టి
ముంగిట సంక్రాంతి ముగ్గులు చెక్కిట సిగ్గులుగా దిద్ది
పున్నమి పదహారు కళలు సిగలో పువ్వులుగా పెట్టి
దేవేరిగా పాదం పెడతానంటూ
నాకు శ్రీవారిగా పట్టం కడతానంటూ
నవ నిధులు వధువై వస్తుంటే
సాక్షాత్తూ శ్రీమన్నారాయణుడే నేనైనట్టూ
చూస్తున్నా చూస్తు ఉన్నా చూస్తూనే ఉన్నా
నువ్వు సేవిస్తుంటే నేను సార్వభౌముడై పోతాను
నువ్వు తోడై ఉంటే సాగరాలు దాటేస్తాను
నీ సౌందర్యంతో ఇంధ్ర పదవినెదిరిస్తాను
నీ సాన్నిత్యంలో నేను స్వర్గమంటే ఏదంటాను
ఏళ్ళే వచ్చీ వయసును మళ్ళిస్తుంటే
నే నీ ఒళ్ళో పాపగ చిగురిస్తుంటే చూస్తున్నా…
చూస్తున్నా చూస్తు ఉన్నా చూస్తూనే ఉన్నా
ఇప్పుడే ఇక్కడే వింతగా కనువిందుగా
ఇన్నాళ్ళు నాకే తెలియని ఇన్నాళ్ళూ నాకే తెలియని
నన్ను నేనే నీలో చూస్తున్నా చూస్తు ఉన్నా చూస్తూనే ఉన్నా…
0 comments:
Post a Comment