ఇలా ఎంతసేపు నిన్ను చూసినా song from SasirekhaaParinayam

ఇలా ఎంతసేపు నిన్ను చూసినా
సరే చాలు అనదు కంటి కామన
ఏదో గుండెలోని కొంటె భావన
అలా ఉండిపోక పైకి తేలునా
కనులను ముంచిన క్రాంతివో
కలలను పెంచిన భ్రాంతివో
కలవనిపించిన కాంతవో ఓ..
మతిమరపించిన మాయవో
మది మురిపించిన హాయివో
నిదురను తుంచిన రేయివో ఓ..
ఇలా ఎంతసేపు నిన్ను చూసినా
సరే చాలు అనదు కంటి కామన
ఏదో గుండెలోని కొంటె భావన
అలా ఉండిపోక పైకి తేలునా

శుభలేఖలా నీ కళా స్వాగతిస్తోందో
శశిరేఖలా సొగసెటో లాగుతూ ఉందో
తీగలా అల్లగా చేరుకోనుందో
జింకలా అందక జారిపోనుందో
మనసున పూచిన కోరిక
పెదవుల అంచును దాటక
అదుముతు ఉంచకే అంతగా
అనుమతినివ్వని ఆంక్షగా
నిలబడనివ్వని కాంక్షగా
తికమక పెట్టగ ఇంతగా
ఇలా ఎంతసేపు నిన్ను చూసినా
సరే చాలు అనదు కంటి కామన
ఏదో గుండెలోని కొంటె భావన
అలా ఉండిపోక పైకి తేలునా

మగపుట్టుకే చేరనీ మొగలి జడలోనా
మరు జన్మగా మారనీ మగువు మెడలోనా
దీపమై వెలగనీ ధరుణి తిలకానా
పాపనై ఒదగనీ పడతి ఒడిలోనా
నా తలపులు తన పసుపుగా
నా వలపులు పారాణిగా
నడిపించిన పూదారిగా
ప్రణయము విలువే కొత్తగా
పెనిమిటి వరసే కట్టగా
బతకనా నేనే తానుగా
ఇలా ఎంతసేపు నిన్ను చూసినా
సరే చాలు అనదు కంటి కామన
ఏదో గుండెలోని కొంటె భావన
అలా ఉండిపోక పైకి తేలునా

To listen this song click on play button