ఆకాశం లోని చందమామ
బంగారు పాపై వచ్చేనమ్మా
సాగరమాయే సంబరమే
స్వాగతమాయే సంతసమే
నాలోని ప్రేమ ప్రతిరూపమే
ఈ ఇంట తానే సిరి దీపమే (2)
నింగిలో నీలమంతా ఉంగరం చేసి ఇస్తా ఊరేగిస్తా
సాగరం పొంగులన్ని గవ్వల గౌను చేస్తా గారాం చేస్తా
తెల్లని ఏనుగుపై నా పాపని ఎక్కిస్తా
చిలకలు హంసలని ఆడేందుకు రప్పిస్తా
హరివిల్లే కాగా ఉయ్యాలలే
కోయిలలే పాడే నా జోలలే
బొమ్మలుగా మారే ఆ చుక్కలే
దిష్టంతా తీసే నలుదిక్కులే
పాపలో అందమంతా బ్రహ్మకే అందనంతా ఎంతో వింతా
అమ్మలో ప్రేమ అంత నాన్నలో ఠీవి అంతా వచ్చేనంటా
తియ్యని నవ్వేమో దివితారల వెలుగంటా
కమ్మని పిలుపేమో ఈ అమ్మకు పులకింత
అడుగేసి తీస్తే హంస జోడి
కుళుకుల్లో తానే కూచిపూడి
సిరినవ్వుల్లోన శ్రీరమణి
మారాము చేసే బాలామణి
ఆకాశం లోని చందమామ
బంగారు పాపై వచ్చేనమ్మా
సాగరమాయే సంబరమే
స్వాగతమాయే సంతసమే
నాలోని ప్రేమ ప్రతిరూపమే
ఈ ఇంట తానే సిరి దీపమే
0 comments:
Post a Comment